بقلم الشاعر المبدع / رأفت عبد العال
لو حبك هيزيد أوجاعي
فبلاش تتمدد جوه القلب
وبلاش تتباهى بأوصافي
وتجدد جوه مشاعري الجرح خليني اتدارى في أوجاعي
وأحط النقطة اللي في قلبي
على راس الحرف
كدا كدا هتغطى بآهاتي
وأدُوب جوه صراخي الدمع
وحياة الدمعة اللي في عيني والإيد إللي بتنقش أسمك
والعين اللي بتعشق رسمك ولساني إللي اتباهى بوصفك
ماتخيب ظن
من تاني الشوق إللي في عيني
راح يبعت مراسيل لعيونك
علشان الحزن إللي في قلبي ممنوع م الصرف
نسيّت القلم إللي فى إيدي
يكتب عن فرحي وتغريدي
يكتب في ميلادك يوم عيدي
ما هو غاب الحب
لون حبك دايب في دموعي والألم الساكن في ضلوعي وانجرح القلب
لو جاي تزود أوجاعي
فبلاش تتسلى بضياعي
أنا أصلى كبرت
