بقلم الشاعر/ الراوي
عارف
إنك مش محتاجة لحب يضمك
وإن بذاتك بتشيلي همك
بترضي بدمعة فى جفن عيونك
مهما الدنيا تاخد منك
وإن إحساسك ناقص دايما
لإحساس جواه بشيء مكسور
وإن شعورك متكتف
ومحاوطه ميت باب ميت سور
لكن فى إحساس جواكي
نفسه فى وقت يبقي جسور
يتحرر ويطير فى العالي
ويرفرف زي العصفور
عارف إنك راضية بظلمك
وإنك عايشة كده وخلاص
ومشاعرك تحتاج لمشاعر
وتقولي بناقص إحساس
أوقات الوقت يكون همك
ما دقاته بتسرق أنفاس
والعمر ببجري وأحلامك
فى رجلين غيرك تبقي مداس
ودنيا فيها عايشين بنموت
ويقولوا عنها حياة والناس
عارف
إنك مش محتاجة لحب يضمك
وإن بذاتك بتشيلي همك
بترضي بدمعة فى جفن عيونك
مهما الدنيا تاخد منك
