بقلم الشاعر / د عصام حمزة بخش
ودعتك الله يا اغلا إنسان في قلبي
هذا المقدر وهذا اللي تشوف العين
ما املك الا الصبر والصوت والبي
ومنتظر عودتك لو بعد وقت وحين
فلا تلوموا مضيع بالهوى دربي
مسكين قلبي قسى من بعد ذاك اللين
هواك والله زاد الشوق في كربي
خلي الصراحه معانا والوفى والدين
ان كنت ترغب بقلبي دوم فكر بي
ولا تزيد الهموم اللي لها حملين
اوصل حبيبك إذا ما تقدر تخبي
يكفيني ما قد جرى من هجرك يازين
