بقلم الشاعر المبدع / رأفت عبد العال
معلوم إنسان
لميزان الحق عيون
بتقول إن أنا إنسان
والأصل حمإ مَّسنُون
معجون من ميه وطين
أنا واحد من ملايين
تصنيفي التالت ليه
والجاني الأول ( بيه )
وريد الصبر جعان
مستني حقيقة تبان
مبتور الشر جبان
والحق بسيف سلطان
راح يجي بيوم معلوم
يصرخ في جدار النور
ويقول معلوم إنسان
مشروبه الحكمة بحور
بتنازع شوك الخوف
متحني بصدق الجوف
كلمته بتضم حروف
مكتوبة بحبر النور
مربوطة بحبل المجد
مجموع الكلمة( الرفض )
يعرفها الفاهم جد
ماهو شارب عرق الحق
معجون في الوحل ولكن
إنسان لكل زمان
وما دام القلب بينبض
راح يجي (عليهم )دور
وسواقي الحق تدور
لميزان الحق عيون
بتقول معلوم إنسان
وحكايتي في كل مكان
تصرخ وتقول إنسان
شبعان من الظلم ولكن
في إيده رايات النور
