بقلم الشاعر المبدع / رأفت عبد العال
كل السكك صبحت في عيني رماد
و رحلتي ماجمعت فيها حصاد
يا دنيا بس قوليلي ليه وافقه
بالمرصاد
خطاويا متعثرة كل الخطاوي عناد
ياعيون بترجف م الأسى والخوف
ياعيون وشاربة الحزن من مرار الجوف
ياعيون وغفلة عن طريق الشوف
ياعيون ومايلة مش كفاية طوف
تلفي كل المواني ولا تسلمي من خوف
وصاحبت قمري في ليالي القهر
ورضيت بجوعي وبين ضلوعي جمر
لا عرفت أكمل طريقي ولا صادفني بر
لكني حاضن جراحي واخدت مصل الصبر
يمكن يزورني ربيع والقى معاه البر
