إعداد / عبير سعيد
مطبخ مصر 60 ينشر لكم طريقة عمل القراصيا بكل سهولة في البيت
ياجماعه البرقوق كتير اليومين دول وسعره نزل ب٢٥ و٣٠ جنية والبرقوق ال بتكلم عليه مالي السوق دلوقتي لونه قريب من الأسود مش الأحمر ..
ال هيعمل قراصيا يعمل دلوقتي والجو حر وده المطلوب وعلي فكره سهله جداً جداً
الطريقة
كيلو برقوق واختاري البرقوق الغامق ال حجمه مش كبير اوي
هتغسليه وتجففيه كويس جدا وترصيه علي صاج عليه ورقه زبده وتدخليه الفرن علي درجه حراره هاديه جدا زي الشمعه كل يوم من ساعه لساعتين وتطفي الفرن تتركيه لما يبرد وتطلعيه تحطيه علي دولاب المطبخ في مكان هاوي
كرري كل لمده ثلاث او اربع ايام وبعد كده اتركيه يجف
طريقه مضمونه سهله متقلقيش من الفرن عشان الصيف والحر مش هتحسي انه شغال لانه هادي جدا
