بقلم الشاعر المبدع/ رأفت عبد العال
راح فين حنيننا
اللي انولد جوه الضلوع
راح فين زماننا
اللي بيصرخ للرجوع
مش هكتبك ولا هشطبك
ولا هنكرك ولا هعرفك
خلينا جوه الشوق ندور
يامالية عيني برقتك
يا واخدة نبضي في سكتك
آه مش هنكرك
ياللي معاكي الكون براح
ياللي انتي قادرة ع الجراح
ليه القدر كتب الوداع
ليه تايهة عني في دنيتك
ضميني م الشوق والضياع
ما دام نويتي ع الجراح
ما دام حنيني راح وضاع
رديلي قلبي في رحلتي
ياللي انتي عاشقة دمعتي
انا سبت قلبي دخان لريح
ياللي انتي عمري ازاي اضيع
ولمين يزهر الربيع
ازاي هتكمل رحلتي
انا هكتبك جوه الجراح
انا مش هقول ليكي وداع
ياللي انتي زادي في رحلتي
آه مش هنكرك
