بقلم الشاعر المبدع / رأفت عبد العال
إياك تخاطر بالوعود
خليك كما عود الزهور يطرح ربيع
إوعاك تضيع جوه محطات الندم
إوعاك تبيع خليك كما همس الوتر
سمعك رقيق بيحن للحن الشجي
ويلم قلب الاغنية بالأدعيا
درويش ورا كل البيبان
حفظ الهوى قبل الأوان
طرحت وروده مسبحة
متسبحة بقطرة ندى
مستني فوق كل الدروب
وعشان تدوب كل القلوب
نطق الحروف متشبكة
بجناح تطير لكن اكيد
متحمله بحب الربيع
وازاي تضيع الأغنيه
دي البسمله حفظ وأمان
خليك وديع صحي الوعود
دي الأدعيا حصن المكان
لو كنت حاسب خطوتك سلطان زمان
ارسم دواير للهوى قبل الأوان
