بقلم الشاعرة / زينب سليم أحمد
كحك العيد بقى بالتقسيط .!!
واللي يجيبه دا يبقى عبيط
مش معقول ولا تبقى أصول
هنجيب بسكوت أو معمول
وجرح فــ غزة لسة غويط
صومت يومين بتقول تعبان
مش متحمل صوم رمضان
غزة صيام بقى طول العام
نهارها وليلها الكل قيام ..!!
بيكافح …. جبروت عدوان
ناقشة الحزن سنين فــ العيد
يوم ورا يوم الهم يزيد ..!!!
دمعة فرحة …. مع الأحزان
وهي بتستقبل …… رمضان
بعزيمة صلبة فولاز وحديد
غزة دي نغزة فــ قلبي أنين
جرح تاعبني سنين وسنين
دايماً فرحتي بتكون ناقصة
روحي تايهة ومهيش حاسة
غير باخواتنا … في فلسطين
يبقى لا كحك …. ولا بسكوت
ولينا اخوات م الجوع بتموت
اللي هاتدفعه فيه من جيبك
هات به سلاح لأخوك وحبيبك
قول أنا عربي … بعلو الصوت
عروبتنا مش ….. بس هوية
دي مواقف ورجولة …. قوية
مش بالشجب وقول شعارات
ولا طالبة ……. كتر مهاترات
ولا راح تتحرر … بالنية ..!!!
إيد ربنا ….. بتكون ياجماعة
مع وحدتنا …… بكل قناعة
عمرك شوفت … التعلب يقوى
ينهش أخ .. بـــ أخوه استقوى
ولا الحق رجع بمياعة ….!!!!
ولا الحق رجع بمياعة ….!!!!
