بقلم الشاعر المبدع / رأفت عبد العال
بعد اختلاط الأمر والتدقيق
بعد ميلاد الشبهة بالتحقيق
برغم إنك وجعتيني
ماموتتش لما فوتيني
ولا تهت في حساب الزمان
ولا قلت كان بينا وكان
بعد الملامح وإللي طارح
وإللي ضايع
بعد اختلاط الأمر في مواسم
نقطف ملامح صبرنا الواهم
من إمتى كان الغرام يجي في مواسم !!!!!
مايهمكيش لو زدتي في عنادك
ولا تحسبيش دمعنا المالح
واهم أنا لما حسبت حساب
ومشيت ورا صبري الضنين بالكاد
ما عرفتش أعمل صد للحساد
ولا كنت يوم عامل لذكرى كتاب
كانت الحياة واسعة ومريحة
الصورة ديمًا واضحة وفصيحة
مين إللي قال إن الأمل كداب
فرسين سبق بعد أما كنا أحباب
لو كنت صح ع الوداد باقي
طب ليه تقول ان الأمل كداب
وليه بتفتح للعناد الباب
