بقلم الشاعر اللواء / محمد هيكل
كان … لسـه … فيهـا … الرمـق
رهــــوان … ما يخسـر … سبق
جيت … ٱخدهـــا .. بالأحضـان
المـوت …. حضنهـا … و سبـق
كانت ….. جبــل …….. شـيـال
من و احنا ….. لسه …… عيال
حابت … علينــا ……….. كتير
مهمـا ….. يضيـــــق …. الحـال
قــال …. الوجـــع ……. كلمتـه
خـدني … معــاه …. ف سكتـه
لا صعبت ……. ليلــه …. عليه
و لا حاجــــه ……… بتسكتــه
مشيتي فجأه … وكنت لسه عـاوز اسلم
سبتيني يامه .. من هنا …. والعمر ضلم
وحشني اشوفك و ألمسك تاني ب إيديا
وحشني حضنك .. ياللي حزنك فيا علم
.
كان ….. ليـا … فيهـا … مكـان
ما بتدخلـــــوش …. أحـــــزان
أتعب ……. من ……… الأيـام
تطـــرح …. عنيهـــا …. حنــان
راح .. الأمـان …… و لا جـاش
و الفرحـــــه …… ما لقيتهاش
و ٱهي .. دنيــا … فيها بعيـش
مـع .. نـاس ….. ما تتوصـاش
مين … يامـه .. بعـدك … مين
يمســح … دمــــــوع .. العيـن
قبلك ….. مليـش ….. احبـاب
بعـدك …. مفيـش ….. غاليين
مشيتي فجأه … وكنت لسه عـاوز اسلم
سبتيني يامه .. من هنا …. والعمر ضلم
وحشني اشوفك و ألمسك تاني ب إيديا
وحشني حضنك .. ياللي حزنك فيا علم
