بقلم الشاعر اللواء / محمد هيكل
و قالوا إزاى بتكتبهــا ……….
وقالوا إزاي بترسمها !!!؟
و مين غيرك حبايبها ……….
ومين غيرك بيفهمها !!!؟
و ليـــه دايمــــا معـاك احلى
و زاهيه ف السمــا نجومهـــا !؟
أنـا رديـــت و قولتلهــــــــــم :
معايــــا … ســـر أحلامهــــا
دنا الحنــــه اللي ف اديهـــــا
و انا الريحـه اللي فهدومهـــا
و انا الكحله اللى ف عنيهـــا
و أنا المتوضـي ب همومهــا
أنا العايــــش زمــــن فيهــــا
و عايشـــه فيـَّـا من يومهــــا
و قلبي أصلــــه بيـت ليهــــا
و انا من ضمـن معازيمهــــا
.
أنا الكلمـــه اللى ف سكوتهــا
و أنا البحــه اللى في صوتهـا
و أنا الراحــه اللى ف نومهـا
.
أنا اللى ذاكـــــرت خباياهـــا
و أنا العيـن اللى حافظاهــــا
و انا القلــــب اللى كلمهــــا
فا سهــل عليــا ……… والله
أكون دافنـشي … وارسمهــا
