كلمات الشاعر / سامى النويهى
جِه فى غيابـِــــــــك تانى العيد
جِه وانــــا ويـــــا دموعى وحيد
واستقبلت العيد وانــــــا لابس
تــوب الحُـــزن جديد فى جديد
أُمى يـــــــــــــــــاأعظم أُم بجد
يــاللى ماشوفت فــ طيبتك حد
كل مـــــــا احاول اعِد جمايلك
ألقى جمايـــــــــلك ملهاش عَدْ
قلبك كــــان انسان يسمعنـــى
ومفيش بعـدِك حُضن يساعنى
ومفيش غيرك حــــد أشكى لُه
م اللى تــــاعبنى واللى واجعنى
وسط الناس وبعيش وحـــدانى
وماغبتيش عــن بــــــالى ثوانى
وساعات قبل مـــاانــــام أتخيل
أول مااصحى ح اشوفِك تـــانى
يــــــاللى وهبتى العُمر عشانى
وسندتينى فى عــــــــــز هوانى
واتمنيتى بكُــــــــــــــل رضاكى
لو داء صابنى تِبْقى مكـــــــانى
مُشتاق ليكى واحشنى دُعـاكى
وانــــا لا نسيتِك ولا ح انساكى
أما ان كــان ع العيد فى غيابك
فالعيد عيد لـو كــــــان ويـاكى
