بقلم الشاعر المبدع / رأفت عبد العال
في جدار الصمت اللي
محاوط قلب النسيان
وف لسع الشمس
اللي بتوصل قلب البنيان
وف صوت المطر
اللي يخضر قلب الإنسان
موجودة الروح اللي
نشأها ربي الديان
وفي نبع الصوت
اللي اتدارى فعمر الإنسان
يصرخ على روحه ماهو
أصله عارف العنوان
الصورة لصورة
لطبيعة جوه النسيان
في عناد الصورة
المحفوظة جوه الوجدان
مخدوعة الخطوة اللي
بتسرح وتهز كيان
الدنيا ترسملك حالك
سلطان سلطان
وميزانك كفه لأعمالك
مفيهاش أطيان
أيامك بتصب أماني
كدب وبُهتان
الدنيا غجرية بترقص
وانت الولهان
لو شفت الصورة اللي شايفها
لتقول خسران
دي حقيقتك موجودة في لفه
جوه النسيان
تتعالى وتنسى الطين أصلك
آه يا إنسان
مين قال العمر اللي باقيلك
عَلَّى البنيان
لو شلت الغمة اللي ف عينك
بابك هيبان
