بقلم الشاعر المبدع / رأفت عبد العال
حضنت جرحي والقلب كله
جروح
هو الحنين كلمة ولا الحنين بالروح
يازارعين الآه جفوني شبعت
نوح
لساك بتلعب بحلمي لساك ساقيني
النوح
وناديت على عمري قلبي رجف م الخوف
قلت ياخلق غيتوني دا العمر كله جروح
ودفعت عمري من ليالي القهر
شبعت سنيني من كاسات الصبر
وحصدت زرعي في المواسم مر
صرخت جروحي فين الاقي بر
يا ألف ذكرى ع العيون بتمر
يا رحلة خالدة جوه نبضي الحر
يا شمس قايدة لسه باقي عمر
من موج لموج شربت ملح وغدر
