بقلم / عبير سعيد
مكسوره في قلبي حاجات
وصورة ماضي يألمني
ومحسورة مابين صدمات
وصوت الوهم كلمني
عايشه مابين خيالات
كأن الخوف يطمني
افوق من حلمي القاني
كأن النار بتكويني
بتحرق كل شئ فيا
وكسرة قلبي تضنيني
وراحة البال تخاصمني
تتوه صورتي وتكويني
أراجع حسبتي وأغلط
في تخميني
وقولة آااه تحسرني
وراحة قلبي تهجرني
في عز المحنه تنسيني
بسكينه وذات حدين دبحتيني
وكان ممكن ولو مره تعاتبيني
أتاريكي بدون إحساس ظلمتيني
وسقتيني كاسات الويل وكام
مرة مايكفيني
تزيديني مرار وعذاب وطول الوقت تسقيني
وجوايا أهات دايبه ومكسورة
تهد في قلبي كام صورة
فلا يقرأ ولا يسمع
وأعاتبه يقولي فين يوجع
وناس متغيره وشوشها
تشوف في الوش ميت صورة
وأنا مليت وجوايا ألف بركان
وأعيد أوجاعي من تاني
ولساني ..
بعيش دنيا ما فيها أمان
بتمسح كل شيئ فينا
نتوه في البعد
ونار الغربه تكوينا
وبحلم أن يجي اليوم
أعيش وخواطري مجبوره
