الشاعر اللواء محمد هيكل
مطلوب على وجه السرعة قلوب
لا تجيب دبدوب
و لا تغـــزل توب
لكن بتـدوب طيبـة و إخـلاص
إخلاصها أساس
بتحب الناس علشان الناس
مش علشان مال و لا جاه و لا ماس
.
إقرأ أيضاً:
قصيدة .. إهداء إلي النجم الوطني الأصيل محمد سلام
مطلوب على وجه السرعه ضمير
فيه عنده كتير
بيحب الخير
بيموت في الغير و لوجه الله
على خير تلقاه
و الخير دا أساسا من جواه
بتغمض و انت بتمشي معاه
.
مطلوب على وجه السرعه إخوات
أولاد و بنات
ف عنيها تبات
من غير حوارات و تقوم فرحان
في الشدة تبان
و الشـدة معاهم تبقى أمان
علشان واخدينك ب الاحضان
.
مطلوب على وجه السرعه سنين
فيها ناس رايقين
ف قلوبهم دين
يشيلوك في العين من غير ما تقول
و ان جرحوك دول
دول يبقوا قوام مرهم على شاش
الٱهه معاهم ما تقولهاش
فا عشانهم تدفع عمرك كاش
