بقلم الشاعر المبدع/ رأفت عبد العال
لساك بتحلم بالرجوع
وتفضي كاسك م الدموع
كل البشر صابهم عطب
وازاي تعيش جواك غضب
يا ابو قلب أغلى م الدهب
قدرك تعيش ويا السنين
تغزل حبالك لللهب
وتقيد شموع الليل تعب
عمرك سراب شايل ضباب
بيلف روحك بالعجب
تشرب ضياع كاس الوجع
يجرى عليك اللي انكتب
ويمد في عروقك غضب
ولا عمر حلمك عاش أمان
لملم حنينك وانسحب
الريح بتاخد في الطريق
نبض الحنين نبض الضيا
وتهيم ف كل الأودية
وتلف عينك بالخدع
تصبح جريح ومفيش دوا
لجل الضياع يرسم براح
ويصب ف عنيك العمى
كل الخطى متقيدة
والحكمة في عروقك ندم
ومفيش رجوع للي ابتلى
جوه الضياع أرضك هنا
عديت سنينك بالحنين
ملاقيتش غير كاس الضنى
ليه بعت عمرك للضياع
ورضيت بعودك ينحني
ياللي مَليت الكون غنا
افرد جناحك للعلا
وارحل في كل الأمكنة
رش الحنين للموجوعين
واوهب حنينك للسما
