الشاعر اللواء محمد هيكل
كان نفسـي أتحب
من كل اللي إديتهــم قلبي و انا مش ندمــــان
كان نفسـي أتحب
من غير لا مزايده و لا مكابره و من غير خذلان
كان نفسـي ف ناس وقت حنينــي
ألقـاهـم ستـر و غطــــا و لحــاف
كان نفسـي امـا أديهـــم عينـي
ما اندمـش ف يوم أبدا و لا اخاف
كان نفسـي أحس ف يوم ب أمـان
و ما اخافـش أنـام لـو ليـله حـزين
و ما قولــش ف مـره القلب إتخان
وماقولش ف لحظه الناس خاينين
كان حلمــي بسيـــط و الله بجـد
مش حلم قصور و لا جاه ولا ماس
كان كل منـــــايا أقـــابل حـد
و ألقــــاه في حيـاتي جميــع الناس
ألقـــــــاه الكتف الشيــــــــال
و ف عــز فـــــراق الكل حبيـب
ألقـــــــاه الإيـــد اللـي محــــــال
تخـذلنـي ف يـوم أبـــدا و تسيـب
كان نفســي ألاقـي شــــوية حب
من قلب عشقتـه ف يـوم بضميــر
كان نفسـي حقيقـي ف مره أتحب
و أقـــول ع الدنيـا دي لســه بخيـر
