الشاعر اللواء محمد هيكل
كنت فاكـــــــــــرك حـد فاضي
حد سطحي ملـــوش حضــور
بـس يا بنـي طلعـت أشــــرف
من ملــوك عايشـــه ف قصــور
مصري معجون بالشهامه
عربــي وجعـــاه الكرامـه
إنت يا محـمــد علامــه إنت قمـت ب ألــف دور
إنت أحرجت العـــــــرايا و اللـي أشبــه ب الــولايا
إنت خلصـت الحكـــــايه للي قلبـه مهـــوش نضيف
واللي وجـه ليـك إهـــانه هـوه ده أصـــل الخيــانه
ف القلوب ليك ١٠٠ مكانه عشت يابني أصيل شريف
إبن ابـــوك اه وابن أمــك الفلـوس ماكانتـــش همك
إنت قـــولت الــدم دمـك لما شــــوفت الحـزن سال
قولتهـــا و بـدون ريــاء غــزه جــوه القلب داء
و اللـي بيحبــــوا النفـاق ريلــوا قـوي ع الـريال
كنت فاكـــــــــــرك حـد فاضي
حد سطحي ملـــوش حضــور
بـس يا بنـي طلعـت أشــــرف
من ملــوك عايشـــه ف قصــور
.
.
.
إهداء إلي النجم الوطني الأصيل محمد سلام
الشاعر اللواء محمد هيكل
