بقلم الشاعرة/زينب سليم أحمد
مشيوا وماله كتر خيرهم ..!!
حتى الكون أجمل من غيرهم
قالوا حياتي تقف لو غابوا
بس أوام اهو راح تأثيرهم
راهنوا كتير على قوة صبري
واني عشانهم اضحي بعمري
بس لقيتهم ولا يستاهلوا
لما انا جيبت معاهم أخري
ياما غرورهم صور ليهم
اني انا رهن وملك أيديهم
وعشان كنت بطول بالي
ابقى خلاص مرهونة عليهم
دانا صبري طبعا له حدود
ورغم الحب اكيد موجود
بس تقلل مني في يوم ..!!!
يبقى وصلنا طريق مسدود
وانا ساكتة . . لكن بتقطع
جوا في قلبي نار بتولع
وان حبيت اشكي أو أعاتب
ابقى غلطت كدا وبتدلع
يوم ملاقيك عايش في الدور
وهاشوف قلبي معاك مكسور
يبقى في داهية وهي الناهية
وهابني مابينا مليون سور
والدنيا في بعدك هاتروق
ولا تاني هأمن مخلوق
وان يوم جيت وتقول دي حبيبتي
