الشاعر اللواء محمد هيكل
لو نمــت ليلــه حزيــن ……. أو لو خاصمت النوم
والدمعــه لو ف العين ……. والقلـــب لو مهمـــوم
الحالــــه لـو ســـاءت ……. والدنيـــــا لـو ضاقـت
والــروح لو اشتاقـت ……. للرحمـــه والاحســـان
وان كنت عاوز تطيب …. من غير روشتــة طبيب
إسرح ف سيرة الحبيب …. سيـرة النبـي العدنان
.
أم النبــــي ف حَملهــا ….. ضحكت لها الأحـــلام
أم النبــــي ف حِلمهــا … شافت ف أحلى منـــام
الضــــي طمنّـهــــا
والنور خرج منهــا ……. نــوّر قصــــــور الشـــام
عليك ياسيدنـا النبــي … ألفيــــن صـلا وســـلام
.
فيه معجــــزات بتكــون … من عنـد رب حنـون
نزل النبــــي مختــــون … على سُــرِّتـه حـارس
السحـر شَـــح و عَـــز … ومفيــش مـلك له عِــز
وآدى عرش كِسرى اتهز .. وسكتت نيران فارس
.
جنس الشيطــان اتحجـب … عن السمـا بالتمـام
ومفيــش صنــم وقتهـــا … على وشُّــه إلا ونـام
لوماستاحوش م النبـي .. طب يستحوا من مين
ماتصلـوا ع المصططفـى .. خلـــوا قلوبكو تليـن
.
الأب مـــات و الأم ……. و الجــد سـابـوا و راح
وف حضن أبوطـالب …. كان لـه مكـان و بـراح
إتربــى و يـّـا (علي) ….. وداق الحنـــان وارتـاح
.
وف رحله كات للشـام …. مع عمه كان موجود
شافوا (بحيرا) الراهب … قال دا النبي الموعـود
وقال ل عمـه رسـاله … حافظوا عليه م اليهـود
ل الشــام هنا مايجيش … و ل مكه حـالا يعـود
.
نزل عليـــه الوحـــي …… و اتبدلــت حـــالتــه
تـلات سنيــــن ف الســر .. بيدعــي ل رســالتـه
خديجــة و ابوبكـر وعلى …. أول بشــر آمنــوا
ومين دا اللي غيرهـم وقتهـا …ع السـر يتآمنوا
.
و اما جَهـــَر .. أهانـــوه … وآذوه .. لكن كمّـــل
مُــر العــــذاب و سقــــوه .. و بقـــوتـه اتحمّــل
قوة حبيبكــو النبــي.. دى ب ســــر رب النــاس
صلوا عليــه دا النبــي … م القلــب وباخـــلاص
.
كبرت قـوى دعوته …ف الدنيـا طول مع عرض
ورســــالة التوحيــــد .. على كل واحد فــرض
راحت قـــوام ل ملــوك .. وكتير قوى أسلمــوا
واســم سيدنـا النبي.. ورسالته .. لفـــوا الارض
.
عاشــــر سنة للهجرة … كتروا قــــوى الاتبــاع
ول مكة رجــــع الحبيب .. وحج حجـــة وداع
ولما زاد المــــرض … قالت المدينــــه ( هَــلَا )
آخــــــر وصايـا النبي : كانت النســــا والصــلا
.
مـــــــات النبي … و الدنيــــا حـزنـت بعدهــــا
مـــــــات النبي … على حجـرعيشه وصــدرها
.
مـــــــات النبي … لكنه ساب.. دستـور حيـــاه
ســــاب سُـنتـه ……….. وســايب كتــاب الله
.
فا الحالــه لو ســاءت …. والدنيـــا لـو ضاقـت
والــروح لو اشتاقـت …. للرحمــه والاحســان
وان كنت عاوز تطيب ..من غير روشتة طبيب
إسرح ف سيرة الحبيب .. سيـرة الني العدنان
صلــوا عليه م القلـب … وزيدوا كمـان وكمـان
اللهم صل وسلم وبارك عليه ياحبيبي يارسول الله
