بقلم الشاعرة/ زينب سليم أحمد
دنيا وفيها سواقي تدور
وتضلم في عنينا النور
واما نفتح فجأة مانعرف
مين قام فيها بدور الطور
أه يابلد بقى فيها العجب
فيها عجوز بقى ناقصه الأدب
وفيها عيالها بتنفش ريشها
اول ما يخط لها . . . شنب
وآه يازمن ماشي بالمقلوب
وبنرضى وبنقول مكتوب
وتبعتر في سنين عمرنا ..!!
وما تعطينا الفرصة نتوب
سواقي الدنيا علينا تنوح
وبتنعي . . وتشق جروح
زي رحايا بتطحن عضامنا
وأملها تردلها الروح . . !!!
ليه الدنيا تملي معاندة ؟؟
ليلها مرار ونهارها مناهدة
تقتل فينا طموحنا بعمد
وعلى جثتنا تمضي معاهدة
🌿 وعجبي 🌿