بقلم / عاشور كرم
فلاح وزرع زرعته
وهي دي هويته
طامح يكتر ثروته
حتي لو المال مش وجهته
زرع الزرعة وعمال بيرعي
يلمع ويروي وفي الآخر هيجني
يحاجي ويكبر وصبره أكبر
بيسقي زرعة الأمل
وتكبر وتكبر بالعمل
لكن فجأة ياخساره
وقف علي زرعة جاره
وادي ضهره لزرعته
وداس عليها بركبته
انجزعت ومالت
وانتجها قل وخابت
ونادت عليه وقالت
ليه أديت ضهرك لزرعتك
وغيرت كدا وجهتك
ونسيت عهد رعيتك
وغيرت ر ي زرعتك
طموح بدايته بمهجتك
يا زارع الطموح
ايه غيرك فتغير زرعتك
ما في النهاية كنت
هتجني فرحتك
ليه تدوس بقسوتك
بطموح زرعته فى نفسيتك
وعشان في قلبي زايده محبتك
لا هزعل منك ولا من غضبتك
لأنك نبضي وانا فرحتك
