بقلم الشاعر المبدع / رأفت عبد العال
إوعى تطرح شكوتك
علني في مزاد
أو تبيع بالجفا عمر الوداد
الزمن بيفوت علينا
ياما بيموت حاجات
بس في صندوق صغير
جوه عقلك للي فات
الزمن قادر يا واد !!
ياما بيغيير حالات
تفتكر هي ملامحك
جوه صندوق الحاجات
ولا أول لحظة حلوة
عايشة بتصحي الفؤاد
للزمن دايمًا حالات
ساعة رايحة !!
ساعة جاية !!
وساعة بتموت سكات
وساعة بتصحي اللي فات
هي دنيا تعدنا
واحنا نايمين في ثبات
فيها لحظة تضمنا
بعدها ملايين آهات
لو حترضى أو تعاند
في حالات تحتاج وداد
وفي حالات تحتاج بعاد
كل شيء وله ميعاد
كله في حساب الساعات
الزمن قادر يا واد
