كلمات الشاعر اللواء / محمد هيكل
من إيتيكيت سيدك وحبيبك …. المصطفى ماتصلــــوا عليه
جارك هوه أخـــوك و حبيبك …. جـوه عنيــك شيله و خبيه
إوعى ينــــــــام منك زعـلان …. إوعى يبات لو ليـــله جعان
إنت إيمانك ناقصـه إيمــــان …. فا ان عاز عينك حتى إديه
.
لو كان بينكـــــم أي خصــام …. قول ل شيطانك إبعـد عنـا
روحله وقوله سامحني قوام …. إوعـى تكـــــابر أو تستنـى
دا اللي موصي عليه المولى …. مش سلطان ولاحاكم دوله
إنت أكيد ب الجنه دي أولى …. و هوه دا ليك مفتاح الجنه
.
حب عشـــانه تمللي الخير .. وإوعى تكون ف الجيره أناني
ليكو حقوق على بعض كتير … ويابخته اللي يسيب للتاني
إوعى الدنيا ف يوم تغويك …. إوعى تروح للنـار ب إيديك
أصـل النبــي لمـا يوصيـــك …. وما تعملـش هتبقى الجاني
.
جـــــارك أول حـد يغيتــــك …. و أول حــد بتجـــري عليه
إبنـه دا إبنك بيته دا بيتـك .. واللي مابينكو دا إيه يساويه
مهمـان تكون الخلق غريبـه …. إيده ف عـز المحنه قريبـه
جارك أهـل و ستـر و هيبـه …. قبـل النـاس كلهــــا تلاقيـه
.
أول حضن ها يحضن همك …. أول حد معــــــاك هيشيــل
أول إيـد تلاقيهـــــا تضمـك …. لما الدنيــــــــا عليك هتميل
جـارك لو تعقلهـــــــا شــويه …. نعمـة كبيـرة و أغلى هدية
قــــال النبي دا هيـورث فيا …. من كتر ما وصــــاه جبريل
