بقلم الشاعرة / زينب سليم أحمد
ايوا ياصاحبي مولد وانفض
ولا بقى نافع قول أو رد
سيبت خلاص الدنيا الفانية
وبقيت ساكن جوف الأرض
دنيا مين وقفت علشانك ؟؟
او بيحن ف يوم لزمانك
وبيترحم لو جت سيرتك
زي زمان ماغرق بحنانك
اللي ضاع عمرك تفديهم
تحرم روحك . . وتبديهم
بخلوا بدعوة تنور قبرك
والذكرى . . كمان بتعديهم
واللي قطعته زمان من قوتك
راح للي . . اتمنالك موتك
وهتتحاسب . . ع التقصير
لما فروض كت ياما بتفوتك
واثق أن الموت دا حقيقة
وتجيب سيرته كل دقيقة
لكن ملهي . . بحال الدنيا
ومفكرها . . أوفى صديقة
بس الدنيا ياواد غدارة
بتبدل حالها . . . بشطارة
ترخي حبالها ، ولما تأمن
تخطف عمرك كدا بقدارة
فيابخته من فاق في حياته
وعد العُدة . . لوقت مماته
يوم مايقابل ربه هايلقى
جنة خلد حصاد حسناته كل
