الشاعر اللواء / محمد هيكل
السفره اتحطت و المغـرب
على ……..وش ….. ٱدان
و الكل إتجمـع …. مستني
مدفـــع ………. رمضـــان
أمـا أنـا بالــذات ………. مستنيـك
تقســـم و تـوزع ………. ب إيـدك
دا العمـــر ملـوش لازمــــه بـدونك
و اللقمـه ….. ما تحلاش غير بيـك
مستني منابـي …….. و إحساسي
بالدفا ….. و انا حاسس بوجـودك
و إن انت …….. منورلي .. حياتي
وانا … ساند .. أيامي .. ب عودك
مستنـي ….. الطيبه اللي ف عينك
مستنـي ……… حنـانك و حنينـك
مستنـي .. ابويا …. اللي واحشني
ماتقولي ياسيد الناس …… فينك
طب خبط ………. طب دق الباب
طب قــــول انا جيت بعــد غيــاب
و الله ……. فراقك .. دا … قتلني
و الله …… مكانـك ……. متسـاب
الكرسي .. بتاعك ……. في مكانه
عمـال .. بيـداري ….. ف أحـــزانه
و كأنه .. إتيتـم ……… من بعـدك
ومكنـش .. البعـد ….. ف حسبانه
السفـره … إتحطت ….. و المغرب
فـات …. من ………….. ساعتيـن
و الكل ….. إتجمـع …… و إتفـرق
و انا ……. لسه ………… حــزين
انا لسه ……. مليش نفس لحاجه
و هجيبهــــا ……………. منيـن !؟
السفـره .. إتحطت …… وانا نمت
و حلمت …… إن عيوني شافوك
وصحيت على صوت … بيكلمني
قوم صلي العشا … وادعي لابوك
