بقلم / محمد أحمد فرج
أنا هاكتب وأقول تاني
ليه سيبتيني وحداني
في يوم العيد
وقربتيلي أحزاني
وليه ماتجيش هنا تاني
وروحتي بعيد
أنا لسه صايبني زهول
وقلبي يقولي مش معقول
راحت خلاص
هاعيش لسه الحياه بالطول
وحالي يامه مش معدول
يا أغلى الناس
الأفراح بقت غُمه
وليل ونهار بقو ضلمه
بقيت معدوم
وطريقي صبح عتمه
واجيب النور منين يامه
وانا المحروم
بلاقيكي ف أحلامي
أميره ف قصر قدامي
وحور العين
دعائك نور لأيامي
وبركه وراحه ف منامي
يانور العين
أنا قلبي خلاص بَعدِك
ما داق الفرح مِن بعدِك
وكلي جراح
أنا نفسي أكون جمبك
ونفسي كمان أطول حضنك
عشان أرتاح
كتبه شاعر الزمن الجميل
إبنك / محمد أحمد فرج
رَّبِّ ٱرۡحَمۡهُمَا كَمَا رَبَّیَانِی صَغِیرࣰا
