بقلم الشاعرة / زينب سليم
قلبي قفلته … معدش متاح
ورميت طوبته ..مع المفتاح
يمكن بالي يروق .. وضميري
او يوم أهدى واعيش مرتاح
قلبي خسارة …… أفرط فيه
ولا اظلمه يوم واجني عليه
لو راح اسلمه ….. للي يبيعه
هايضيع مني ومش هالاقيه
اصل انا قلبي ….. بجد بريء
فيه الحنية …. بحق حقيق
من غير …… ولا لف ودوران
ومناهدة …. .ونشفان للريق
قلب المؤمن …….. هو دليله
لو دنيته ………. مرة تغنيله
لا بيتغير ……….. ولا يتكبر
مهما بتعطيه …… أو تديله
علشان كدا … تلاقيني بهدي
وبفوت وياها ……. واعدي
واللي يفارق …. مبقاش فارق
سكة اللي …… يروح ويودي
اصل انا قلبي .. دا غالي عليا
ولا عندي غيره ….. ولا ليا
حد لذيذ …….. يبقالي عزيز
يبقى اللي طلعت به م الدنيا
