بقلم الشاعرة / زينب سليم أحمد
يادنيا .. فيكي العجب
أشكال ….. على ألوان
ود الحبايب ،، نضب
ماعدش ….. زي زمان
العمر ….. عدى وفات
إحساسنا بيهم مات
الباقي منه رفات …!!
مدفون مع الأحزان
يادنيا فيكي العجب
حتى القلوب .. سودا
الكره من غير سبب
ومحبة ……. مفقودة
الكل …. زيف وسراب
عايشين كما الأغراب
وصبح .. قانون الغاب
اجنحته …… مفرودة
عصافير .. بقت غربان
تنعق … في كل مكان
الحق صار …… بهتان
والسكة …. مسدودة
صفر أوام …… القطر
كتب نهاية ….. العمر
الباقي منه …… سطر
وأيامه ……. معدودة
يادنيا … فيكي العجب
وردك … بقى بلاستيك
ولا عاد مهم …. الأدب
والقيمة للأستيك ..!!!
يا اخواننا ليه يوماتي
نتغاضى ….. ونطاطي
ونعلي ….. في الوطي
وعلينا ……… يتأنتك
ووقعنا … في الحيرة
أشكال … بقيت عيرة
ولا ليها ……. تسعيرة
وعقول كمان فيستك
ماتقولشي دين وعلام
قول تحتكم على كام
ما فارق حلال وحرام
وحلانجي …. بيتكتك
أما اللي قرشه حلال
واخلاقه …. عال العال
نقول …… رقيق الحال
وعليه بنتفزلك …..!!!!
