بحب ربنا

الشاعر اللواء / محمد هيكل

.

بحب أتأنـى ……. و اهدا
وأعشق من غير مناهــده
وان حد إداني ….. ورده
ترجعلوا ………. وردتين
.
مابشلش ف قلبــي حاجه
من حد ….. عملى حاجة
مهيش مستاهله .. حاجة
والدنيـا … يادوب يومين
.

بشوف الدنيــــا …. شابه
وكل الـنـاس ……. أحبـه
بعاتـب ………. بالمحبـه
واطبطب ….. ع الحزين
.

الكلمة الحلوة …. سابقه
والعشره الدافيه .. أبقى
من جوه .. بحـاول ابقى
إنسـان .. فيه عنده دين
.
إنسان … مايحـط عالي
ولا يظلـم .. قلب خالـي
يارب إجعلني …. غالي
ف قلـــوب المخلصيــن
يارب .. اصلحلـي حالي
أنا و اللي يقــــول آمين