بقلم / السيد عفيفى
الصديق
يعني ايه معنى الصداقة
الصديق هو الطريق
هو الرفيق
هو السند عند الضيق
وهو النجاة
وقت ما انت تكون غريق
الصداقة مش كلام
مش تحية سلام
وعامل ايه انت تمام
وقوام تروح تنام
وماتعرف فى ايه الصديق
الصداقة تكون دراعى
وفى خوفى تكون شجاعى
وتكون ضهرى عند كسرى
وتكون عينى وسماعى
الصديق فى الشدة يظهر
هيخليك من ضعف تقدر
على الصعاب هيكون معاك
ولو فى شدة هيكون،وراك
الصديق الحقيقي
ده أخ من أم تانية
بس أكتر من اخوك
وهيكون أفضل
من اخوك إبن أبوك
وهيكون وقت حزنى سندى ورفيقى
هتلاقيه بيفكر فى همك
هيكون أقرب
من خالك،وعمك
رغم إن دمه مش هو دمك
بس هيكون لك اخ لم تلده أمك
ويكون كل همه
إنى اكون بخير
ويفرح ليا لما أكبر
وأكون أول مش أخير
ويتمنى ليا الوزارة
وأكون أفضل وزير
وتدهتقوينى بكلامك
وهيكبرنى إحترامك
والاقيك بترد غيبتى
وتزود ليا هيبتى
هشوفك كل عيلتى
وهيزيد عندى إحترامك
لما القيك بتتكلم عنى بكل خير
وبتتمنى إنى أكون كبير
ساعتها أنت صاحبى
أنت روحي وأنت قلبى
أنت عمرى وأنت دمى
إنتى اخويا وأبن أمى
وهنكون دم واحد
وبيت واحد
هتلقينى بأعلى صوت
بدافع عشانك
هتليقنى لوغبت هكون مكانك
وهكون فى الشدة دراعك
ولو فى يوم الضعف خانك
قوتى هتكون سلاحك
الصداقة لازم أن تكون سنين طويلة
مش هتكون يوم وليلة
وهتكون على أسس أصيلة
ولازم يكون فى عهد بينا
إن محدش يخونا
لحد ماتخلص حياتنا
صدقتنا مش هتكون سكوت
ولازم فى الحق
يكون لينا صوت
واللى هيفرق مابينا
مفيش غير هو موت
ونندفن تحت التراب
هى دية الصداقة
وهو ده معنى الصحاب
تحياتي لكم السيد عفيفى
