بقلم الشاعر اللواء / محمد هيكل
أنا اللي بضعفي …. بتقوى
أنا الضحكة .. و انا الدمعة
وأنا الشمعة اللي .. يا تنور
يا تحرق عادي …. و بقوه
أنا من أي شيئ …. أسمى
و انا البسمة .. وانا النسمة
و انا وسط الهدوء … نوه
أنا أنثى صحيح …… لكن
رجوله ب عزه … و مروه
أنا النساية ….. ب مزاجي
ولكن فاهمة …. و ب قوه
أنا اللي مهما ……. تفهمني
محال …. تقراني من جوه
دنا حوا …
أنا الأم ………. اللي بتدلع
وانا الواحده اللي .. هتولع
في أتخن حد … مش هوه
أنا طفله … و شيخ منصر
أنا اللي فعندي راح تخسر
وانا اللي ف بعدي .. تتلوى
ف إخلاصك …. هتعرفني
و وقت الغدر .. هتشوفني
قصادك … كارهه و عدوه
بدوب ف الطيبه من لمحه
رقيقه و ناعمه و مسامحه
و ساعة الجد …. أنا فتوه
أنا الجايز ….. و انا الممكن
و أنا المجنونه ف الحالتين
و انا اللغز اللي مش ممكن
تحلو …… مهما تبقى مين
أنا السهله …. و انا الصعبه
طموحك أيوه .. وجروحك
و لو هتشوفني يوم .. لعبه
هتبقى الجاني على روحك
أنا الحد اللي هيعيش بيك
و هسقيك قلبي .. ب ايديا
و انا وقت اللزوم ب عنيك
تشوفني …….. بحر حنيه
أنا هيه
تريزا .. و فاطمه … و بهيه
قديمه موت ….. و عصريه
أنا همسة …… ربيع صافي
وانا ب زرابيني …. مصريه
أنا هيه …
أنا حوا …
فا من فضلك .. ياسي هوه
تشيلني … تمللي في قلبك
ف نن القلب …… من جوه
